2025-10-01 21:56:16

鄧炳強返西環茶餐廳嘆美食憶兒時情景好懷念｜Ray Online

今日(1日)是國慶日，唔少食肆都有提供折扣優惠，一眾司局長亦趁機品嚐美食。保安局長鄧炳強今日就請同事齊齊去西環一間有60年歷史嘅茶餐廳食晏。原來鄧炳強兒時住西環，而咁啱呢間茶餐廳今日有優惠，所以就特意到場，仲食咗凍檸茶、焗豬扒飯、炸雞翼茶餐同西多。佢仲話好滿足。

鄧炳強話，茶餐廳側邊就係佢當年每日搭巴士返學嘅車站，真係好懷念。飯後一行人就行去搭免費電車，「沿途睇住熟悉嘅街景，邊同市民傾下偈，邊感受兒時情懷。」佢話，喺國慶日繁忙嘅行程中，一餐午飯，一趟電車遊，真係十分療癒。最後亦不忘祝市民國慶快樂。