Ray Online｜教聯會發倡議書　籲學生將習近平關懷轉化為前行力量

今日係開學日，早前國家主席習近平向培僑中學學生回信，肯定同學作為中國人嘅自豪以及香港年青一代嘅使命擔當，勉勵同學將讀萬卷書同行萬里路結合，深刻認識世界發展大勢，深入瞭解祖國嘅歷史文化，厚植家國情懷，早日成為棟樑之才，為建設美好香港、實現民族復興積極貢獻力量。教聯會為此向全港中小學發出倡議書，倡議師生認真學習習近平嘅回信內容以及精神，將習近平對香港師生嘅關心關懷同殷切希望轉化為鞭策自己前行嘅巨大力量，轉化為建設美好香港、實現民族偉大復興嘅不懈動力。

教聯會：教育界需高舉愛國愛港旗幟

教聯會喺倡議書上話，習近平喺舊年7月1日慶祝香港回歸時嘅重要講話，著重強調青年人對於國家以及香港未來發展嘅重要作用，而今次向香港中學生回信，更加體現出佢對於香港青年人特別嘅關心關愛。教聯會話目前香港正處於由治及興嘅關鍵階段，習主席呢封回信對於香港意義重大。唔單止係對全港師生嘅勉勵，亦係對香港教育界嘅鼓舞同期待。教聯會話只有教育界嘅同仁勠力同心，高舉愛國愛港嘅旗幟，持續推進愛國主義教育同國民教育，香港青年先至會有發展、有未來，從而令香港有發展、有未來。'