Ray Online｜李家超微博粉絲突破500萬　稱感動期望更多聯繫

今屆特區官員紛紛開通唔同嘅社交平台帳戶，行政長官李家超就提到由嚿年7月1號上任開通微博帳號，一直希望透過平台向網民介紹香港同特區政府政策，分享工作、生活日常同埋介紹香港情況，以及同網民建立聯繫。而當李家超如常打開微博嘅時候，發現粉絲數目已經突破500萬啦！佢話好感動，感謝大家一直以嚟嘅陪伴、支持同踴躍留言，令佢聽到更多聲音，幫助佢做得更好，期望未來可以同大家有更多分享同聯繫！

網民指李家超不回覆留言

之不過講到同網民聯繫，有網民就唔太收貨，乘機喺李家超嘅帖文下留言，問佢有冇認真睇500萬粉絲嘅留言，話好多都反映李家超只係發布帖文，唔回覆佢哋呀。