今日(18日)係父親節，上任特首差唔多一年嘅特首李家超喺facebook話，呢一年同屋企人相處嘅時間少咗好多，好多謝佢哋嘅支持同體諒。佢又話屋企人勉勵佢，服務市民就好似為家人付出，佢同天下間嘅爸爸一樣，希望每日都可以守護家人，更希望施政令市民受惠，大家開心又稱心。
李家超趁今日父親節祝天下爸爸們父親節快樂，祝願家人互相關懷、體諒和支持，開心每一天。另外，佢今日更收到仔仔送上嘅一個護脊座墊，希望佢喺公務繁忙、舟車勞頓嘅時候，由呢個「貼身」嘅座墊令佢工作時保持健康，並時刻感受到家人在背後默默支持、為佢「撐腰」！
