Doreen(坐下者)今日同立法會團隊慶祝生日。(江玉歡FB)
立法會過埋今日(12日)呢次大會之後就休會，亦都撞正江玉歡(Doreen)嘅牛一，佢除咗喺立法會向記者派餅之外，仲有同立法會團隊一齊慶祝。不過，Doreen同Ray講今日本身都唔係幾舒服，因為早幾日食物中毒，都依家仲未好返。
生日願望係身體健康
Doreen喺facebook上載咗同立法會團隊一齊慶祝嘅相片，見到現場有蛋糕同汽水，背景仲有「HAPPY BIRTHDAY」氣球，可惜上星期六食物中毒到今日仲未可以一嘗生日美食，唯有先稍稍休息。至於今年生日願望係咩？Doreen話當然係身體健康，以及香港會更好。
做咗議員一年半，Doreen都有趁機會多謝團隊對佢嘅鼓勵同包容，話過去十幾個月大家一齊摸索及成長，盡最大力量聽各界意見同為香港努力。佢又話自己政齡尚淺，日後需要更多嘅智慧和更大嘅努力。
