紅十字會「捐血隊長」今日新登場，就即刻同「任何仁」一齊出動。(香港紅十字會輸血服務中心提供)
香港消防處吉祥物「任何仁」相信大家都唔陌生，佢今日(28日)喺消防處總部大廈就迎嚟一名稀客，就係香港紅十字會輸血中心吉祥物「捐血隊長」喇！究竟兩大吉祥物聚頭係搞邊科呢？原來係紅十字會到場舉行流動捐血活動，今次仲要係消防本年度第三次喎！
「捐血隊長」同「任何仁」兩個「救人界KOL」首次聯乘，就梗係齊齊宣傳救人訊息啦。紅十字會提到，消防及救護服務係救人行列非常重要一環，喺火災同唔同緊急環境保護市民生命和財產安全，而捐血就係醫療系統中不可或缺嘅一部分，為醫院入面要接受輸血治療嘅病人，提供安全嘅血製品。
O型血庫存量跌至低水平
佢哋今日一齊出動，都係希望呼籲任何市民只要有心，加上符合捐血條件，就可以一同加入救人團隊的行列。紅十字會又話，依家O型血嘅血庫存量下降至低水平，誠邀熱心市民去各區捐血站或者流動捐血車捐血。
