香港警察足球會男女子隊於3月21至25日應邀到貴州村超踢友誼賽，又參觀學校及感受當地風土人情。(香港警察FB)
貴州村超足球聯賽近年內地火熱，早前香港明星足球隊都去過踢友誼賽，成為一時熱話。香港警察足球會男女子隊於3月21至25日，都應邀到貴州村超踢友誼賽，去內地說好香港警察故事。
5日行程期間，香港警察足球隊同當地球隊一共踢咗6場友誼賽，球隊上下完全感受到村超聯賽嘅熱情，同體驗到由村超帶動嘅經濟發展。
除咗比賽，球隊又參觀咗當地學校，了解國家青少年工作，特別係對山區貧困小孩嘅教育工作。學生們仲向隊員講解咗當地風土人情同國家嘅教育政策。球隊都特意安排咗警隊紀念品同提子公仔送俾當地青少年同學生，大家都笑逐顏開。足球會亦到訪咗榕江山區少數民族侗族壽洞村寨，感受風土人情，品嚐地道長桌宴，同族人打成一片。