Ray Online｜財庫局3巨頭客串演員 二創《無間道》劇情宣傳區選
區議會選舉12月10日舉行，為鼓勵市民投票，政府各大部門各出奇謀宣傳，財經事務及庫務局今日（12月1日）在社交平台發表影片，由局長許正宇、副局長陳浩濂、政治助理葉俊廉3大巨頭主演的微電影《天台的誤會》，二次創作經典港產片《無間道》對白，及劉德華及梁朝偉於天台談判的名場面。
影片中仿傚《無間道》的對白，陳浩濂扮演梁朝偉的臥底角色，商約葉俊廉於天台談判，要求他俾個number，「你諗住上嚟天台係睇風景架?」、「你話三日、三日又三日，你要推到我幾時？究竟係1號、2號定3號呀？」葉則稱「呢屆區議會係重新塑造，同以前唔同，需要時間選擇。」許正宇此時出現調解，指兩人唔同區，「一個大埔、一個油尖旺，你知對方揀咩號碼又點啫？」又指「同埋就算有心水，你哋都唔洗向任何人交代」。
陳浩濂此時問「局長，又係你話有個好重要嘅number一定要知道嘅？」許解釋「我講個number係1210，係叫你哋要記住12月10日去投票」。葉指當日會和許到越南「出trip」，飛之前會投埋票先」，呼籲市民和家人、朋友當日一起去投票。