羅淑佩話唔記得幾時開始，逢係打風天都要食一碗餐蛋麵。
颶風韋帕吹襲香港，香港天文台一度發出十號颶風信號。文化體育及旅遊局局長羅淑佩今朝早就整咗碗餐蛋麵食，話已經唔記得幾時開始，逢係打風天都要食一碗餐蛋麵，唔知係唔係佢帶嚟嘅心理安慰，就好似食緊平安包咁。佢喺社交平台貼出餐蛋麵嘅同時，亦不忘向喺風暴期間值班嘅政府同公用事業員工致敬，呼籲大家都要謹慎同平安。
原本計劃今日先去書展
另外，天文台噚日已經發出咗風暴預警，原本計劃今日先去書展嘅羅淑佩，就改咗噚日中午去。佢話好多人應該都有同樣諗法，所以噚日行書展就好似行年宵咁，加上有啲攤位舉辦作者推介會，相關位置就更加逼到水洩不通。佢見到唔少人手上都捧住一疊疊心頭好，睇嚟書商生意都有一定保證咁話喎！
▼韋帕襲港期間各區情況▼
▼8號風球要求員工WFH是否合法？▼
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
