大埔宏福苑五級大火，一名獲安排入住尖沙咀皇家太平洋酒店的受影響男居民感謝在這段艱難時間向他一家提供幫助的酒店員工及義工(facebook「大埔 TAI PO」)
大埔宏福苑五級大火後，政府及社會各界為受影響居民提供一切支援，包括安排容身之所，部份受影響居民入住酒店房間。一名獲安排入住尖沙咀皇家太平洋酒店的受影響男居民周一(1日)在社交平台發文，感謝在這段艱難時間向他一家提供幫助的酒店員工及義工，稱在社會各界的幫助下，不僅解決了宏褔苑受影響居民的實際需要，更讓他們感受到香港人的愛和支持，「好人好事常伴左右！」
樓主於facebook「大埔 TAI PO」群組發帖文，照片可見他一家已入住酒店房間，獲提供家電、生活用品及玩具。他特別多謝皇家太平洋酒店的各位員工、管理層同經理，指酒店提供了無微不至的照顧，「喺我哋宏福苑居民遇到困難嘅呢段時間，你哋嘅關懷同幫忙，令我哋覺得好溫暖。多謝你哋為我哋安排好每日三餐，幫手洗衫，仲專登安排車接送小朋友番學放學，又特登送玩具上房畀我嘅小朋友，令佢喺呢段時間都可以好開心。你哋咁細心同周到，我真係好感激！」
「讓我哋感受到香港人既愛同支持」
他亦提到「特別多謝喺東昌街識到嘅義工阿Yen！」、「你主動行埋嚟問我係咪需要車，唔單止免費車我上酒店，仲幫手拎物資，搬埋上酒店。更加難得嘅係，你跟住仲想幫埋其他宏福苑嘅居民，由你聯絡義工、我聯絡居民，一齊協助我哋安排需要嘅物資同埋免費接送。」
樓主再次代表一眾災民向皇家太平洋酒店及義工阿Yen道謝，「你哋嘅幫忙，唔單止解決咗我哋宏褔苑居民實際嘅需要，更讓我哋感受到香港人既愛同支持。多謝晒，祝你哋一切順利，好人好事常伴左右！」
網民留言打氣 「每一個香港人都在你身邊」
一眾網民留言打氣，「你哋一家要加油！我哋每一個香港人都在你身邊！」、「希望你哋快啲走出陰霾」、「希望樓主一家好好生活」、「香港人永遠撐香港人 同舟共濟啊 頂住啊」，另有受影響居民在該條帖文下留言分享自己受到照顧，「我這幾天都遇到好多好人，有人知道我係受影響居民都給我打氣。感謝你們。」
ADVERTISEMENT
立即更新/下載AM730手機APP 體驗升級功能
