有網民發現開篷巴士上層有另一名「車長」。(網民Pirro Cheung圖片)
每個人在成長路上都會有過夢想，有網民日前就發現一輛開篷巴士的上層，竟有「另一名車長」同時在駕駛，細看原來是上層右邊車頭位有一名男乘客，正手持軚盤或軚套狀的物體，疑似在模擬駕駛巴士，又形容「一個人霸晒車頭兩個位」。
有網民讚該乘客有誠意
不少網民對此情此景都見慣不怪，有人笑言「升級咗，終於唔係紙軚環」、「開車就專心啲，唔好兩頭望」、「不如轉行揸巴士，揸到唔想揸」，亦有人認出該名巴士迷乘客並非首次，「呢位師兄搭N29撞過幾次，好有誠意帶埋個軚坐車頭。」
同時，有網民關注為何對駕駛有興趣而不正經考入巴士公司，但被回應指「正正經經得就唔使咁啦」。不過，有網民就認為該乘客的行為未有對他人造成影響，「呢啲人又冇阻到你，有乜所謂。」
