颱風小犬改發八號波撞正生日，岑智明話：「吸風台長重出江湖」。(資料圖片／陳奕釗攝)
颱風小犬襲港，香港天文台今日(8日)中午就發出八號東北烈風或暴風信號，不過喺小犬未升級之前，社交網站就已經有人出嚟「承認責任」！講緊嘅原來係天文台前台長岑智明，佢今朝8點幾已經出post話，今日颱風升級撞正佢生日，「一定關我事」，仲講咗句「吸風台長重出江湖」自嘲。
話說岑智明做台長嗰幾年，先後遇上3個十號風球，包括2012年強颱風「韋森特」、2017年超強颱風「天鴿」同2018年嘅「山竹」。天文台前助理台長梁榮武亦都有加入留言，話10年前嘅11月8號，佢生日當日咁啱喺菲律賓追風，感受世紀颱風「海燕」嘅威力喎。
▼環翠邨停車場加裝擋水板▼
