鰂魚涌女司機揸MINI Cooper稱「扭軚大咗」　掃冧8部電單車

鰂魚涌發生交通意外。今日(6日)凌晨約5時半，一名女子駕駛藍色MINI Cooper私家車，沿鰂魚涌海澤街往太古城方向行駛，駛至金舫大廈對開時，報稱因「扭軚扭大咗」失控，鏟向對面西行線，撞向路旁一列電單車。

現場至少有8輛電單車遭波及，有如骨牌一架挨著一架傾側，部分電單車更撞至倒地。意外後，37歲姓黃女司機未有受傷，其後通過酒駕及藥駕測試，警方正調查意外原因，並聯絡涉事電單車車主到場處理。