暴雨近日時常襲港，香港天文台昨早7時50分改發黑色暴雨警告信號。有打工仔在社交平台表示，昨早登上巴士並以八達通繳付車資後，巴士車長突然大叫通知乘客「50分掛黑雨，有冇人要落車」，該打工仔聞訊隨即落車回家。不少網民都大讚車長好人，亦有人關注發帖者是否倒蝕車費。
網民：自己都冇得返屋企，好清高
勞工處《惡劣天氣及「極端情況」下工作守則》指出，黑色暴雨警告信號如在工作時間開始前發出，僱主不應要求一般僱員返回工作地點上班，在黑雨取消後僱員應按早前與僱主協定的復工安排和時間，返回工作崗位。
帖文發布近半日已獲得超過2.1萬次讚好、近6,000次分享，有留言就大讚車長的提醒，「司機哥哥好人一生平安，救得一個得一個」、「讚呀，冇幫公司減少收入之餘仲俾乘客可以即時落車返家」、「自己都冇得返屋企，好清高」、「最暖心司機」、「有愛巴士哥哥」、「呢位車長醒目，幫公司賺多程車費」、「巴士哥哥好窩心」，亦有人慨嘆上車後才得悉天文台改發黑雨。
有網民就留意到發帖者繳付車費的動作，「車錢蝕都要翻轉頭」、「蝕左車錢喎，但一陣落黑雨你咪又要返去，嘔突」，但不少人都認為做法值得，「車錢幾蚊雞，你唔洗番工果(嗰)兩個鐘，我估點都多過幾蚊雞掛」、「重點系(係)吾(唔)駛返工糧照計」、「人工賺番有餘。」
▼網民分享車長通知乘客改發黑雨及其他留言回應▼
聞熱心婦大叫轉黑雨 已付費男即落車
此外，有另一名網民在同一社交平台表示，早上正當上巴士之際，有中年婦人突大叫已改發黑雨，在他前方的男子遂一起大叫「返屋企」。車長見狀善意提醒男子已拍八達通，「你拍咗卡啦老友」，未料該男子回應「話之佢，黑雨就係唔使返工」。有其他網民認為男子態度正確，「香港人真係好可愛」、「型」，亦有人覺得「成個畫面好正，突然間有街坊廣播，然後仲有人做咗個咁正嘅回應。」
ADVERTISEMENT
第3輪消費賞最後召集！簡單上傳消費單據登記贏豐富獎品！
