網上熱話｜餐廳告示完美食字原子筆代替1字網民大讚好出色

告示要發揮最大作用的話，當然要顯淺易明，如果想同時吸引更多目光的話，就真係要搞搞新意思。早前，有網民發現一間餐廳張貼的告示夠晒創意，只因餐廳除了用文字表達外，更巧妙結合原子筆實物「食字」及圖像，吸引大批網民熱烈討論。

餐廳告示完美食字

早前，一位網民被一間餐廳所張貼的付款方式告示吸引，只因餐廳除了文字內容之外，竟有創意地加入實物原子筆及手繪圖像。餐廳原意表達「本店不只收現金」，惟「不」字改為一枝實體原字筆，獲網民大讚「呢個食字好出色」。

除了用原子筆食字，餐廳亦貼上各式各樣的電子支付方式，令整張各示色彩繽紛夠晒惹人注目。而店家亦不失幽默，在各種支付方式外，竟搞笑寫上「洗廁所」，並畫有廁所揼及馬桶。

這張有創意的餐廳告示吸引網民關注，除了發文者大讚外，一眾網民亦覺得好有創意，「洗廁所都係付款方式」、「個廁所畫得幾靚」、「被餐廳耽誤的藝術家」，又笑問「洗廁所係咪真係有得揀先」、「留友洗廁所」、「老細可以爭取下做全港最乾淨廁所」。