食指大動 多士上畫炸蝦煎蛋

日本食物藝術家森映子利用果醬、芝麻醬等，再以夾仔或牙籤，喺多士上畫畫，將早餐昇華成藝術！！

森映子嘅靈感大多來自同女兒嘅日常互動，真係又溫馨又Sweet，好似呢個大人細路都最愛嘅炸蝦多士，一隻隻咁立體嘅蝦仔，係用海綿蛋糕碎整嘅，而另一件多士上嘅「三文魚子壽司」，就係用士多啤梨醬配芝麻醬整嘅，認真估佢唔到！