「鐵板燒在香港都有二至三十年歷史，食法大概有三類，最傳統是廚師一路煮(分比客人一路食)，第二是有表演成分，如拋下蛋拋下刀叉；第三代好似我哋著重擺盤、醬汁，視覺效果要吸引。例如煙熏直接影響食物(客人)視覺與味覺，刺激食慾。」
文：Winki、攝：Andy Chong
早前進駐銅鑼灣樓上舖的御鐵，由擁15年鐵板主廚的經驗的梁師傅(Simon)坐鎮，主打日西風格鐵板燒，設午市及晚市時段，提供多款鐵板燒定食(六道菜)，另設有單點餐牌。除了嚴選時令優質食材，如選用熊本A5和牛及自設魚缸養活鮑龍蝦，更以新鮮蔬果打製醬汁伴碟，如菠菜汁、海苔忌廉汁、龍蝦膏汁、檸檬味分子smooth等，連季節沙律的醬汁也有3款選擇，用大碗盛給客人自己撈，加上部分菜式大玩煙熏效果，可謂色香味俱全。店內分兩組大鐵板桌提共約20個座位，採用開放式吧位設計，可即席欣賞師傅的鐵板功架，但不只限於兩隻鐵鏟鏗鏘作響，還細心的為每一隻餐碟飾以金箔，打上泡沫。
西班牙依比利亞豬鞍櫻桃木煙熏
日本新鮮帶子配魚子醬。梁師傅形容，魚子醬絕對是其中一種漸趨流行於日本餐桌的矜貴食材。
越南大海虎蝦 配蝦膏忌廉汁
無花果蟹肉野菜沙律 (季節沙律)
南非活鮑魚 配海苔忌廉汁
南太平洋鱸配香橙汁 及檸檬味分子smooth
櫻花蝦廣島蠔配 和歌山刀根柿配西京麵豉汁
活魚缸 龍蝦鮑魚
梁師傅由點心師傅做起，也做過酒店西餐，最後揸起較冷門的鐵板燒鐵鏟，因為可以對著客人：「最大考驗是感應客人要求，例如愛飲酒的客人，最後幾道菜要調得較濃味。很多熟客通常會『跟師傅』，對著新客人就揣摩其口味愛好。」他表示，未來仍然著重研發不同醬汁，還想引入巨型泡泡及乾冰效果。至於食材，會嘗試以鴨肝或鵝肝等入饌，打造客人以為自己在吃西餐，但面前卻站著鐵板燒師傅的幻象。
「很多客人都讚我哋肯向前走，挑戰創新，食物質素提升亦吸引新客源。」
御鐵│銅鑼灣駱克道487-489號駱克駅13樓│5703 1162
日式鐵板燒 ╳ 西式擺盤 玩醬汁＋煙熏 阿廚：靚啲胃口都好啲