網上熱話｜$33.2的士車費付$35不獲找錢 知名音樂人4字KO 司機最後仲要倒蝕！
搭的士車費尾數有時十分零碎，因此不少乘客和司機為方便都會習慣變做整數，但有時就會俾多咗幾毫至幾蚊車費。早前一位知名音樂人搭的士，車資$33.2，他繳付了$35，豈料司機收錢後竟想直接離開，絲毫沒有找錢的諗法，音樂人即使用4字KO，而司機最後更由有賺變倒蝕！
圖片來源：Instagram@jnybeatzz
知名音樂人搭的士 $33.2的士車費付$35不獲找錢
知名創作歌手兼音樂人楊駿(JNY/JNYBeatz)早前在社交平台發文，分享乘坐的士的不快經歷。他表示當日一上車司機已經「X晒面」，到埗後想用$35繳付$33.2的車資時，的士司機僅收錢了事，絲毫沒有找回$1.8的諗法。
知名音樂人4字KO 司機最後仲要倒蝕
不滿司機態度的JNYBeatz就主動出聲，提醒司機「你未找錢」，對方先是反問「唔係35蚊？」而當JNYBeatz強調本程車資應是$33.2後，司機才找回2蚊，令他不禁揚言「DXXm，找返$2。好開心，原本蝕緊$1.8」，而司機就蝕了$0.2。
圖片來源：TVB《降魔的》劇照
網民大讚做得好：佢地成日側側膊！
有網民認為他$1.8都要搞咁耐「好小家」、「1蚊都計較」，但大部分網民就大讚他做得好，「而家好多的士連四捨五入都唔用，直接進一」、「有陣時我會$4以內都唔使啲司機找，前提係我自己主動提！但如果佢側側膊，呢啲咁衰嘅的士司機，我會叫佢兩毫子都畀返我」、「所以其實裝返部八達通機都係為佢哋好，費事佢哋找多咗錢」。
圖片來源：八達通官網
ADVERTISEMENT
立即更新/下載AM730手機APP 體驗升級功能
