網上熱話｜港女呻黑雨未能取件被罰40蚊 網民憑1細節揭真相 反教一招可豁免罰款
早前香港的天氣十分不穩定，落足幾個鐘大雨已非新鮮事，就連黃、紅、黑等最雨警告亦不斷交替上演，對大家生活造成很大影響。日前，一位港女在社交平台上發文，苦呻因為黑雨而未能如期到順豐智能櫃取件而被罰款，惟眼利的網民就憑她上傳的照片揭開真相！
圖片來源：領展官網
港女呻黑雨未能取件被罰40蚊
早前香港的天氣極不穩定，更試過掛足一日黑色暴雨，雖然一班打工仔唔洗返工，但條街橫風橫雨又水浸的情況下，確實不宜出門。一位港女就在黑雨後在社交平台上發文，苦呻因為黑雨未能如期到順豐智能櫃取件而被罰款40蚊，「大佬順豐，黑雨攞吾到件，都要扣錢。。0.3kg收成40蚊」。
網民憑1細節揭真相
發文者有上傳埋繳費頁面和包裹照片佐證，但有眼利的網民就憑著這兩張照片揭開真相，直言「其實都係收你遲拎費用$15啫」、「又同份件0.3kg咩事，明明本身份件就要俾$25運費」，意指「$40」的收費由兩部分組成，大部分是$25的貨物運費，只有$15屬逾時取件的「順回益」服務費用。此外，畫面顯示發文者已經超過30小時未有取件，加上順豐本身的2日取件時間，可見她在今次事件中，有可能已經超過3-4日才取件。
圖片來源：順豐速運官網
眾人反應兩極
不少網民狠批發文者「亂屈落人地度」，揚言「做咩要用$40黎駁流量啫」、「黑雨無掛36個鐘」、「幾日唔拎然後賴落黑雨度」，亦有人反指順豐的做法欠人情味，「其實SF好無良、黑雨都要員工派件、所以佢唔會預你自取唔到」，更有人教路「唔想俾嘅話，攞之前搵sf客服試下做豁免」、「見平常都豁免到」。
ADVERTISEMENT
