網上熱話｜港女地鐵爆喊 獲籃球哥哥贈紙巾 一抹發現係冰涼濕紙巾：冷靜唔到！
小朋友隨時隨地喊乃正常事，但若然在公眾地方喊的是成年人的話，有機會惹來途人目光。早前一位港女在社交平台發文，指自己近日忍唔住在港鐵爆喊，幸好遇上暖心籃球衫哥哥主動送上濕紙巾，不過當她用濕紙巾抹臉後，方發現是冰涼濕巾，引來網民爆笑回應。
圖片來源：tvN《今生是第一次》劇照
港女地鐵爆喊 籃球哥哥贈紙巾
成年人在公眾場合流淚，確實會引來旁人側目。早前，一位港女在社交平台發文，坦言近日「係地鐵到喊」，幸得「隔離位籃球衫哥哥拎咗張濕紙巾俾我」，雖然對方的舉動十分窩心，但就慘令事主「乸到仆X」。
一抹發現係冰涼濕巾
其實用濕紙巾抹眼淚已經高難度，只因會愈抹愈濕，但當事主本著「好過無」的精神用濕紙巾抹臉，方發現籃球衫哥哥送上的原來是「gatsby涼涼地嗰隻」冰涼濕巾，令她不禁大呻「一抹乸到仆X…我都唔知俾咩反應好」、「但…係warm既，都多謝你」。
圖片來源：ViuTV《季前賽》劇照
Gatsby官方回應
事件引來大批網民留言，有網民表示「唔warm，係cool嘅」、「有善意，但不多」、「佢只係想你收聲」、「佢無比落妝濕紙巾你算好人」。女事主表示，事後因為該post，與「籃球男」相認，對方表示「希望佢開心返」。Gatsby官方帳號更現身回應，笑稱「慘不忍睹！無估錯嘅話，籃球衫哥哥遞比你嘅係我哋包.....香體濕紙巾，相信你抹完應該未冷靜到，而係好冷....」。
ADVERTISEMENT
送香港迪士尼樂園20周年限定精品及一日門票！
