網上熱話｜港男獨吞2萬蚊生育津貼 5字拒絕港媽分錢要求 網民：離婚啦！
香港政府為刺激出生率，早幾年特意推出生育津貼，符合資格的父母在BB出世後，可獲發2萬元獎勵。不過，呢2萬蚊究竟應該點用呢？早前一位港媽在討論區發文，苦呻老公想獨吞呢兩萬蚊，令她不禁嬲爆表示「點解可以咁仆X！」。
圖片來源：TVB《BB來了》劇照
港男想獨吞2萬蚊嬰兒生育津貼
早前，一位港媽在討論區以「老公要咗BB出世$20000」為題發文，劈頭直指自己在BB出生後，吩咐老公「處理網上BB出世紙」，豈料老公在登記時填了自己的戶口「要埋出世獎勵金$20000」。
圖片來源：香港討論區
5字拒絕港媽分錢要求
港媽得悉後坦言「覺得佢好賤格」、「好似搶嘢咁」，又指自己曾經問老公「邊個生BB」，惟老公就回應道「大家都有份」、「唔係淨係你辛苦」，更向港媽表示「最多俾返$10000你已經好好」。
圖片來源：TVB《BB來了》劇照
圖片來源：TVB《BB來了》劇照
網民不忿：啲錢係BB嘅
港媽對此感到十分不滿，直言「聽完覺得感覺好差」、「點解可以咁仆X」，而事件亦引來大批網民留言熱議。有網民認同港媽的老公「賤格」、「一萬蚊已經睇到你老公嘅為人」、「同佢離婚啦」，亦有人表示生育津貼應用在BB身上，「奶粉尿布衫褲床上用品睇醫生手推車，2萬大元捱到幾耐？有咩好爭」。
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
