黎澤恩今日（1日）出席TVB劇集《刑偵12》宣傳活動。（娛樂組攝）
黎澤恩今日（1日）出席TVB劇集《刑偵12》宣傳活動。他接受訪問表示：「其實當初收到個角色唔係好清楚做啲咩？一開始對個角色有少少模糊，慢慢睇劇本先知原來有啲咁嘅事。」被問到在劇中飾演張振朗第三人格最難揣摩的一點，他說：「難揣摩就係因為佢係一個人格，唔係一個人嚟㗎！以我理解人格係一個精神嘅狀態，喺我嘅理解上唔可以用一個人去演，係用一個精神狀態去演，點樣理解呢樣嘢係有啲難度，有陣時需要張振朗同步去做嘢，同埋講嘢係真係有難度，長期要做一個邪惡嘅動作唔眨眼係好難，一眨眼個眼神就會弱咗。」他繼續指與張振朗拍攝前只有3分鐘互相協調，並笑言：「我同佢拍咗兩場，大概五至六take就完成。」
TVB劇集《刑偵12》宣傳活動。（娛樂組攝）
自爆鍾澍佳親自指點教做戲
提到被網民指係「反派專業戶」，他笑言：「其實我主要係演反派，反派都唔係得我一個，TVB裏面有好多反派嘅專業嘅演員，監製會覺得我做呢件事比較穩陣，同埋符合我嘅性格先搵我去做呢件事，我諗過唔好用一個方法做咁多唔同反派嘅角色。」他指並沒有因為演反派這件事被網民留言攻擊。被問到是否有學過做戲，他說：「其實我冇訓練過學做戲，所有嘢都係在職訓練，同我當初學結他一樣，其實我冇學過結他，我都係自己去練，都係觀察去學，同埋俾人鬧吓。」講到曾經拍戲被鬧一事，他說：「鬧你係為你好，一定要去接受自己做錯俾人鬧呢樣嘢，鬧咗之後就唔會再錯，如果我再錯嘅歡迎鬧我。」他感謝過去拍電視劇許多導演都有用心教導，並直言：「例如佳導會出聲，嗰個位咪喺度做緊啲咩？佢咁樣講就學到嘢，佢唔係針對你係講緊件事，所以係好事嚟嘅。」
黎澤恩連演極邪惡變態化身都一樣入型入格，難怪獲讚演戲有天份。
立即更新/下載AM730手機APP 體驗升級功能
