吳鎮宇、黃德斌、胡定欣等，昨日為電影《逆流大叔》宣傳，同時為龍舟比賽擔任嘉賓，筋膜移位的吳鎮宇，席上不但嘲笑胡定欣可拍《逆流大嬸》，又譏諷成龍「沒有港產片」的言論。
被吳鎮宇指可拍《逆流大嬸》的胡定欣，希望導演開新戲可以找她。
吳鎮宇撐著拐杖現身，他笑說：「每隔5、6年就會嚟一次筋膜移位(有否影響日常生活？)已經係我日常生活嘅一部份，冇咩影響嘅啦，已經好好多啦，可以休息一下。」胡定欣這天首次接觸龍舟，吳鎮宇笑言：「你要練習一下，之後搵你拍《逆流大嬸》。」胡定欣即指：「逆齡或者妙齡可唔可以，希望導演下次拍有關運動嘅電影，都可以試下搵我。」
指「金像影帝」是虛名
談到電影票房突破600萬，吳鎮宇表示，「下星期古老闆(古天樂)會請食飯，好多院線都好支持，呢套電影開展咗港產片新嘅模式，有人話已經冇港產片，一定係唔啱啦。」提到吳鎮宇有機會憑此片問鼎「金像影帝」，他坦言覺得很悲哀，「已經冇咩電影，係真係有港產片資格獲提名，個個票房行先，虛名嘅嘢，之後再諗啦。」
問到票房若超過1,000萬，會否騷肌派福利，黃德斌和吳鎮宇二話不說指，票房過1,000萬就拍騷肌照。