阿澤快將開騷，但不少好友被公司及經理人禁止出席。
杜汶澤將於本月5號至16號在九展舉行talk show，今日他在社交平台表示，他向好友送出門票，邀請他們入場，但基於阿澤的立場及言論，令到好友們所屬的公司擔心，恐他們出席會被標籤，影響他們日後的工作，於是好友們只能婉拒。
梁祖堯主動幫忙，令阿澤非常感激。
阿澤在社交平台留言謂︰「好多同行同我講，話電影公司或者經理人唔俾佢哋嚟睇我個 show ，同我講唔好意思。我想一次過覆……我請得你哋嚟，都係因為愛錫你哋，唔會想你哋有事，更加唔會為咗咁而嬲，因為我係長期受極權欺壓中生存嘅人，呢啲係小事。I’m well-trained, no worries.你哋一定要好好工作，個心入面有我呢個朋友就可以！唔使講，唔方便，唔出現，唔好放喺心。一切在心中，做人最緊要輕輕鬆鬆！咁啲飛，我攞去炒黃牛，聽講有人賣緊$2000，咁我就想窮都難啦！」
田蕊妮在網上發文，為阿澤及工作人員打氣。
此外，因為限聚令關係，只能讓一半觀眾入場，而阿澤就安排了受影響的觀眾在另一日子進場，最後約有71張門票需要退票，他更揚言會把門票重新出售。阿澤上載網上平台的截圖，有人以5千元出售阿澤的門票，他說︰「之前響大埔街市有人同我講真係用$2000買咗黃牛睇我，點知啱啱同事話我知，原來啲飛已經炒到$5000！你哋千祈唔好買呀！都話搞緊75%賣飛咯！忍多一兩日呀！好快有消息！」如今有不少前排VIP多出，想看的朋友隨時可以用到靚價錢購得靚位了！
5000蚊賣阿澤個talk show。