姜麗文今日現身《兄弟幫》節目錄影，期間遇到舊愛鄭俊弘路過攝影廠，林盛斌(Bob)就指對方是來找他的助手，並謂姜麗文與鄭俊弘亦有互相打招呼。
逝去的感情留不住，何況二人都各自有戀情。姜麗文與圈外男友拍拖兩年，最近二人與秦沛一齊為大陸綜藝節目《女兒們的男朋友》拍攝，姜麗文話︰「有拍拖呀！我同男朋友都有上個大陸騷，我個人比較private，以前拍拖都唔公開，但今次係一個機會騷到真嘅我。」
提到該節目要秦沛透過電視看著姜麗文與男友互動的畫面，雖然秦沛在鏡頭面前不動聲色，但她就大爆老竇有呻醋！「佢平時係好cool，但心入面佢係有少少呷醋。我係一個好肉麻嘅女仔，我要成日錫錫同攬攬嘅女仔。」問到秦沛對男友滿意與否，她說老竇對男友不錯，但二人未有結婚念頭。
