GM與葉蒨文蒨希望可以一齊拍旅遊節目。（娛樂組攝）
曾展望(GM)、葉蒨文（Sophie）今日為汪明荃的旅遊節目《帶阿姐遊世界》記招擔任主持。談到阿姐非常關注他們這一對，二人是否知情，Sophie 說：「其實之前知嘅，因為我哋都冇去呢一個節目，又會搵我哋做主持，咁我就覺得好奇怪！監製就同我哋講成個旅程，阿姐一路都提起我哋，我哋梗係開心啦！有啲受寵若驚！」GM亦表示很心獲到阿姐關注。
他們希望下次可以跟阿姐一齊拍旅遊節目，更笑言他們的放閃程度遠不及阿姐和家英哥，因為現時不會拍婚照。問到會否考慮情侶檔接拍旅遊節目，他們表示毫不介意，更無任歡迎！
問到他們下次的旅遊目的地，GM 表示有諗過，但未有實質計劃。Sophie稱阿姐今次拍節目的地方，除了日本外，全都沒有去過，並指自己不介意去一些比較貧困的地方，因為旅遊就係要體驗，可以透過旅程對人生會有所覺悟。GM表示跟Sophie的意向相若，會去多些不同地方嘗試不同體驗。
再問到日本之行，有沒有一些東西是令雙方都估不到，GM說：「有！原來佢係好為食㗎 ！」Sophie說：「我真係好大食！佢以為我唔係好食嘢！」GM說：「我就喺度諗佢係咪有啲黑科技，冇理由食咁多都係咁瘦！我同佢一路食就增長唔少，去完一個旅行除咗智慧增長唔少，個肚腩都增長左唔少，所以我前牌好努力咁樣年台慶去減肥。」
GM表示沒想過Sophie如此擦得。（娛樂組攝）
談到今日他們的衣着都是黑色打扮，二人否認是特登配襯過，只是恰巧穿上黑色。Sophie稱會為GM配襯衣服，但未曾考慮過要穿情侶裝。
問到他們一齊以來，有哪些東西受對方影響，Sophie表示自己對道教有更多理解，大讚男友很專業，因為對方是一個道士，會讓她認識道教。GM就稱以往自己不太喜歡公仔，現在多了一些少女心。「以前架車係唔會掛公仔，我阿媽以前想過一啲公仔喺我架車度，或者擺一啲公仔頭枕，我就話唔係好型，成件事都唔型，依家就會掛一啲三歲小朋友嘅公仔。（床單呢？）應該好快⋯⋯」他又提到現時揸車諗嘢的時候，看到那些公仔，會突然醒神一下，發覺感覺不錯！
曾展望與Sophie表示有些生活喜好受到對方影響。（娛樂組攝）
