蘇永康以愛心大使身份在佐敦薈出席慈善活動，已捐助5間學校的他，有意在將來以兒子名義，捐助興建第6間學校。因病服食類固醇等藥物而致臉部腫脹的蘇永康表示，「醫生話我個病毒傳染性高，所以病咗十幾日，都唔敢抱囝囝Jazz，要戴兩個口罩先敢接近佢。」有傳他以近3,000萬元購買新居，他承認說：「我唔係為咗個仔嘅校網搬屋，樓價唔會跌，反正係自住，所以都冇所謂，原本都係住呢個地區，我好想睇到維港風景，今年終於實現啦。」
問到可有關心兄弟梁漢文醉駕事件，他直言：「我、張衛健同許志安已經強烈譴責佢，我哋唔可以幫佢道歉，因為佢已經發咗聲明道歉，佢嘅行為不能接受，不過我哋公司都會盡量幫佢。」
