Sonija稱，女兒說生日想騎馬，她指女兒性格好動，可能是遺傳自老公。
郭羨妮(Sonija)與黃芷晴等，昨日出席商場世界盃宣傳活動，Sonija指，會陪老公欣賞球賽，但感覺有點沉悶；黃芷晴稱，她會陪爸爸黃日華睇波，反而男朋友對足球興趣不大，但會買定麵包和零食，討好未來外父。
Sonija指，老公正身在內地工作，8月才回香港：「佢有叫我過去探班幾次，不過沙塵滾滾咪搞我，寧願等佢返嚟。」她透露，今個月底是女兒6歲生日，她說：「屆時老公會抽空返嚟香港，每年都會會同個女慶祝生日，老公就算冇得瞓都會返嚟同個女慶祝。」問到女兒可有要求舉行生日會，Sonija表示沒有，但有講想要甚麼禮物。世界盃舉行在即，Sonija說：「好少女仔鍾意足球運動，我雖然會陪老公睇波，不過感覺有啲悶。」
黃日華買麵包回禮
黃芷晴稱，會陪黃日華睇波，她又指爸爸逢星期三就會去踢波不見人，反而男朋友對足球興趣不太大，但男朋友也會陪黃日華一起睇球賽，她說：「有時男朋友知道爸爸夜晚要睇波，會買定麵包俾爸爸食，之前爸爸就買返麵包俾佢做回禮。 」昨日是芷晴28歲生日，問到如何慶祝，她說：「會去食飯慶祝，(可想有驚喜？)唔知呀！之前問男朋友去邊度食飯，佢又唔講，希望有啦，(想男友求婚？)唔會啩？未有心理準備。」
談到生日願望，黃芷晴希望家人身體健康，自己有更多工作。