【即時娛樂】瑪麗嘉兒「縮胃」 瘦一個碼

48歲美國「巨肺天后」瑪麗嘉兒(Mariah Carey)今年身形暴漲，目測超過200磅，網民留言：「佢肥到應該行路都有問題。」雖然天后口口聲聲話不在乎人地點講，但原來6個禮拜前，佢做咗縮胃手術，身形明顯細咗一個碼，成效不錯。據悉，Mariah十分在意外界嘅評論，所以喺個半月前，喺加州比華利山莊搵咗一位名醫做縮胃手術，將胃切咗近8成，月初佢喺洛杉磯TCL唐人劇院打手腳印，成個人容光煥發，充滿自信。