古巨基昨日偕同12位樂手,去到銅鑼灣行人專用區busking,引來途人圍觀,今次busking的樂手,原來是他演唱會伴奏的陣容,問他請來如此多人busking,是否信心不夠,驚人「柴台」,古巨基即說:「一係唔做,一做就要做到最好。」
古巨基指,樂隊當中最特別的是出現三代同堂同場夾band,爺爺是玩percussion、爸爸負責彈結他、4歲的孫仔就打鼓,十分有型,談到一般busking只得兩、三人,四人已經叫做多,為何請來如此多人,是否因為第一次busking,要多些人壯膽,古巨基說:「一係唔做,一做就要做到最好,今次都特登邀請咗一個busker,希望可以同唔同範疇嘅樂手合作,睇吓會唔會擦出新火花。」
即場點唱環節過關
古巨基指,平時大家都是隔住電腦螢幕,或者電視螢光幕見到他,今次第一次busking,見到咁多人支持他,好開心,「我們俾大家嘅熱情融化咗呀!」古巨基在現場唱完3首歌後,現場觀眾不肯離開,不停大叫encore,古巨基問觀眾想聽哪首歌曲,有觀眾大嗌:「《藍天與白雲》!」雖然古巨基沒準備過,不過仍即獻唱。