容祖兒全新電視廣告出爐。
早前 容祖兒(Joey)為百老滙拍攝最新一輯電視廣告，以熱血追夢為主題。片中 Joey 飾演一位非凡世一級人馬，配合動漫熱血特效，同觀眾一齊踏上熱血追夢之旅。Joey鏡裏鏡外都表現非常熱血，每個動作、每句對白都非常之有幹勁。即使要模擬停留空中的動作畫面，Joey 亦絕無手軟，交足力水，單單用雙手支撐着整個人，非常考臂力！Joey 還笑笑口說：「可以順便做埋健身！」
Joey用雙手支撐着整個人，非常考臂力。
今次廣告宣傳照以最近翻 Hit 的 Y2K 風格為藍本，拍攝當日 Joey「Pose 王」上身，手舞足蹈擺出多個 Y2K 風 pose。拍攝期間，Joey 聯想起好友古巨基千禧年代的唱片封面及宣傳照，言道：「呢啲係基仔嘅經典 pose 嚟架喎！」，隨即Joey 擺出多個基仔經典唱片封面 pose，無論表情、眼神同動作都扮得似模似樣， Joey 和基仔真是惺惺相惜，相當老友！