陳國基赤口請多名立法會議員吃開年飯，形容是飯廳交流會
大年初三係赤口，唔適宜拜年。政務司司長陳國基噚晚百無禁忌，一請請咗20個立法會議員一齊食開年飯，形容係飯廳交流會，亦希望身體力行支持本地消費，齊撐香港食肆。
街坊爭相與議員合照
陳國基今日喺社交網站分享，噚晚邀請咗20位立法會議員去沙田一間屋邨酒樓食飯，包括經民聯主席盧偉國、民建聯主席陳克勤、建制派「班長」廖長江等等。陳國基留意到噚晚未夠7點，酒樓已經座無虛席，充滿過節氣氛，街坊朋友見到一班立法會議員都好驚喜雀躍，紛紛要求合照留念。
「飯廳交流會」上，陳國基話議員紛紛向佢獻計，邀請佢再去唔同地區試當區美食，鼓勵市民發掘同傳承更多本地好去處，喺香港消費撐經濟。
入App免費換走健康產品
