有網民發現吳保錡在《男人唔可以窮》扮演Stephy同事。
吳保錡未正式出道之前，曾參與過電影及MV等拍攝。近日他在《男人唔可以窮》的演出獲網民截圖討論。當時保錡在片中扮演鄧麗欣的同事，更手挽手並肩而行，之後遇到黃宗澤，對方以為他是情敵，於是向保錡揮拳。
吊高聲線扮娘娘腔
保錡當時被打之後，立即表示自己是同性戀者，而他亦刻意吊高聲線，扮娘娘腔。由於保錡參與演出的時候，只得廿多歲，樣子非常青澀，與現今男人味強烈的樣子不同。有網民質疑他是否整過容。有網民就認為從五官都認到是保錡，加上入行後有人幫手化妝，因此樣子有不同絕不奇怪，亦有人留言為他護航說︰「話人整容果啲，攞你10年前張相出黎對比下有無唔同，如果有你係味都整過黎？」
吳保錡曾因為被指似八兩金而跟網民開拖，如今改變打扮，成為別具風格的保錡。