張致恒與老婆雯雯被網民封為「丐幫界KOL」。
「離婚KOL」張致恒(Steven)與太太區燕雯一家經常呻窮，昨日(16日)雯雯稱屋企已經斷電，同日晚上，Steven在其IG貼出QR code，再度呼籲大家幫手，被網民估中再度於網上公開行乞。
今日，雯雯再次更新IG限時動態，並稱：「多謝真正有心嘅所有人，多謝真正幫過我哋嘅人！噚晚凌晨已經一切安好，我唔介意你話我乞兒，我相信冇人會想行到呢步，但經歷完尋日十幾小時，小朋友不幸發燒+嘔，我已經得到我應得嘅教訓。我唔係工作都冇錢，而係啱啱起步未足一個月，所以而家仲係零。多謝真正關心我哋嘅人，亦多謝鬧我哋嘅人，發生嘅我已經有足夠嘅懲罰。」
上月初，Steven也曾上載支付平台收款二維碼，表示網民可以伸出援手，助他們一家度過難關：「我知道呢個唔係一個明智嘅決定，但係我真係已經去到頂唔順嘅地步，過埋呢個月所有嘢都可以回復正常，所以真係求大家幫吓手。」網民對Steven與雯雯的舉動議論紛紛，更形容他們已經由「離婚KOL」變做「丐幫界KOL」。