逆天奇案2︳妹頭趙璧渝隱藏有料上圍 夾出4吋事業線做美胸代言
《逆天奇案2》入面，陳展鵬飾演嘅森sir帶住一班伙記查案，飾演小隊唯一一名女警妹頭嘅趙璧渝，喺早幾集同森sir有對手戲交代身世，令觀眾終於對佢有一定印象。入行11年嘅趙璧渝多年來都係跑龍套，但近期佢獲邀成為美胸代言人，著上泳裝同deep V婚紛展示隱藏多時嘅豐滿上圍！
今年34歲嘅趙璧渝，曾修讀社工副學士課程，後來因為喜愛戲劇，喺2013年投考TVB藝訓班而入行。
試過銀行戶口得返雙位數
近年趙璧渝開始為觀眾認識，喺《白色強人》演急症室醫生、《法證先鋒 IV》著黑bra危站天台、到2021年《逆天奇案》以學生妹打扮捉賊都引起注意，連趙璧渝自己都話《逆天》係佢嘅里程碑。多年來默默耕耘，趙璧渝試過銀行戶口得返雙位數，而佢亦都考咗瑜伽教練牌傍身。
去到今年趙璧渝成為美胸代言人，早前寒冷天氣下佢喺海邊影宣傳照，三款造型通通有睇頭。為咗保持最佳狀態，拍攝當日趙璧渝只係飲齋啡去水腫，頂多食幾粒藍莓頂肚。
原文刊登於 Yahoo 娛樂圈
