黃劍文首次同歌迷一齊BBQ感覺好興奮，更獲他們送贈油畫。
黃劍文(Kimman) 自《中年好聲音2》後，歌迷人數培增，並承諾得獎後會同歌迷搞場BBQ聚會。日前劍文終於找數，同過百歌迷歡度一個歡樂嘅晚上。一向歌迷聚會都係以歌會友，劍文話首次同歌迷一齊BBQ感覺好興奮，由於這天天氣悶熱，他戥歌迷感到辛苦，歌迷仲好sweet話幾熱都要陪你，令他份外感動。
現場仲有歌迷們悉心佈置打卡位，劍文到達現場後，過百歌迷夾道歡呼，當劍文行到去露台的時候，一班歌迷們好有心思，預先準備大合唱《凡星》送給他。這首歌對劍文份外有意義，因為是他比賽時候進入三強的必殺歌，劍文聽到的時候，都有眼濕濕。
原先安排在露台BBQ及同歌迷唱歌，雖然天公不造美，活動移師室內進行，劍文話反而更親密，所有歌迷圍住自己唱歌，感覺好多愛包圍著自己，仲見到大家笑得好開心，所有人好似回復小朋友一樣。因為今次的聚會，歌迷們改咗會名叫「Kimchi Family」，劍文開心表示自己擁有一個大家庭！他接受無綫訪問時，更表示希望下次搞一個小型音樂會，以歌會歌迷。
黃劍文希望可以在不久之後舉行一個小型音樂會。