蒙嘉慧與鄭伊健近年移居日本。
現年50歲的蒙嘉慧（Yoyo），早年獲老公鄭伊健支持，在日本福岡投資過百萬開設房地產公司，兩公婆現已移居當地生活，但鄭伊健亦不時會返回香港吸金。近年，淡出幕前的Yoyo被指發福不少，日前她就在社交平台分享貼地劈柴的短片，並笑言：「真係冇乜可能會瘦得返！」
片中，見Yoyo 以一身黑衫打扮，戴上太陽帽，雙手拿着斧頭，屈膝紥馬，並手起刀落劈開木頭，相當厲害；只見Yoyo人到中年，身形明顯走樣，肚腩暴脹，臀部圓潤，她還表示：「呢個都解鎖埋，真係冇乜可能會瘦得返。」 而早前她更貼出在櫻花樹下打卡的靚相，並搞笑謂：「最瘦㗎啦！」網民都紛紛留言指她是「幸福肥」，並大讚暴脹的她依然漂亮：「健康快樂就可以」、「肥啲望落去精神」。
