ANSONBEAN昨晚現身鬧市，以「打遊擊」方式為新歌拍攝Dance Version。
陳毅燊(ANSONBEAN)上周五推出新歌《IMPATIENT》，是次單曲內容主要是想借藝人追女仔的角度，帶出其實所有人都可以將一些包袱或規則放下，才能更加赤裸去面對大眾。昨晚，ANSONBEAN以「打遊擊」的方式為他的新歌拍攝Dance Version，一晚內走遍銅鑼灣Sogo、中環摩天輪、天星小輪與文化中心等地，將香港特色呈現出來。
ANSONBEAN先在銅鑼灣拍攝，吸引豆粉與數十市民圍觀，能夠看到他現場跳舞，跳得大汗叠細汗，除下外套時有人更驚呼大隻！ANSONBEAN說：「今次喺鬧市取景，同大家一齊互動、一齊玩咁，大家睇得好開心，我都覺得好開心。」其實今次拍攝的概念源自ANSONBEAN最近愛上自導自演功夫短片，他笑說：「目前為止拍咗7條，好多人問點解喺街拍，因為冇錢租場，哈哈！其實因為成日都即興，又想用最低成本做到最想做嘅嘢，大家又睇得開心，都好多人因為睇咗我嘅片，知道我喜歡武術。」他續說：「所以今次新歌Dance Version都用呢個模式，希望可以將香港唔同地方呈現喺裏面。」
