Ray Online｜黃碧嬌自爆最近在內地跑步　建議康文署參考內地引入滅蟲燈

民建聯大埔區議員黃碧嬌捲入宏福苑法團風波，佢轉趨低調，喺區議會會議自爆最近喺內地跑步，仲建議康文署參考內地做法，喺場地引入滅蟲燈對付蚊患。

大埔區議會噚日舉行大會，包括討論康文署喺區內嘅滅蚊工作，黃碧嬌發言提到自己最近喺內地跑步。佢建議署方參考內地，引入滅蟲燈控制蚊患。就地區民生事務，佢仲關注大埔海濱公園缺乏避雨設施，另外仲建議增加座椅同改善垃圾桶位置。

黃碧嬌無回應記者追問

會議上仲有由廉政公署交代社區宣傳同教育工作策略，廉署強調高度重視樓宇管理同埋大維修貪污。為咗加大力度打擊樓宇維修貪污，會以「聚焦樓宇管理，強化廉政教育」為重點策略。黃碧嬌全程在席聆聽廉署同其他區議員討論，不過冇發言。黃碧嬌出席大埔區議會之後由後門離開，佢冇回應有冇需要為宏福苑大火負責、點解唔出席宏福苑聽證會、會唔會爭取連任區議員等問題。