近日iPhone4S在廣告大賣影相功能，其實除了鏡頭，app也十分重要。雖然Instagram暫時只有iOS版本，但Android用家一樣有好多選擇，如「Pix:Pixel Mixer」這個免費app。
新app介面簡潔，既冇廣告又冇自家Logo，主介面只是個黑底畫面，用家可選擇立刻影相或已存相片來修飾，最多重疊3種濾鏡；加上相框等其他效果，組合多達25,000種。另外，系統更有「Random」按鍵，幫懶人隨機組合。
值得一提的是，相片儲存尺寸僅為1024x768，就算唔係原始解像度，但又不是要曬相，分享的話絕對夠用，上傳仲快啲㖭！
作者為資深新科玩傳媒人。http://weibo.com/am730michael