暑期課程學生亦參觀大棠騎術學校，認識馬匹構造。城大動物醫學及生命科學院系主任兼收生主任史飛(左)正為學生講解。
以為水產養殖只係大家平日見開食開嘅魚蝦蟹咁簡單？Ray早幾日參觀城大動物醫學及生物科學院在沙頭角水產養殖中心，得知學院專程安排10日summer school給中學生，包括等佢哋同水產生物近距離接觸，頗有心思！
根據學院客座研究員鄭和榮介紹，中心打算研究人工飼料，日後可能推出市場俾業界使用，仲會研究推行養殖計劃，相信假以時日，大家就會經常食到本地養殖嘅水產生物！中心仲會同機構合作，救援瀕危動物，而相關設施就將於明年啟用。院長及講座教授禮哲就話，學士課程下月開課， 目標取錄10至15人，但要等英國GCE公佈考試結果，下個月才可確定收生人數。Ray收到風，呢批同學生成績非常好，有人更係本屆DSE嘅「榜眼」。