新世界集團第三代掌舵人鄭志剛(Adrian)上場後，其中最令人印象深刻的，相信係以The Artisanal Movement名義來推動公司業務向前，連同事的卡片背面亦印有此字樣，再加一句we create, we are artisans，令員工更上心。不過Artisanal Movement係乜東東，就唔係個個咁明白，亦無一個正式的中文名稱，Ray就叫它做工匠運動吧，大意即係人人都追求卓越，以精巧心思及一絲不苟的態度，做好每一件事。
既然要推動呢種工匠精神，集團索性於中環中遠大廈個展覽場搞咗個內部專題展覽，詳細解釋來龍去脈，主要對象係旗下員工，不同部門都有安排員工去參觀一下，一齊做個Artisans好工匠，而員工亦可帶同生意相關人士或者親朋去參觀，多了解公司發展方向，凝聚員工向心力。Ray昨日亦抽時間去參觀一下，由樓盤設計、餐飲、到K11商場等背後的理念，都有實物解說，Ray亦感受到呢種堅持做好的態度，對員工要求亦高，好有香港人精神。
展品之一的黑膠碟唱盤機是全人手製作，紅色系列全球只有5部，搜羅回來是為了放於旗下樓盤會所，供住客使用。
卡片背後手寫字出自Adrian手筆。