勞工及福利局局長羅致光做了新一期馬會刊物《駿步人生》封面人物。好多人都聽聞佢IQ高，有幾高呢？專訪裡面話係160，咁梗係讀書無壓力啦！

羅局長話自己興趣廣泛，由小學到初中的課餘時間，大都用來閱報，由日報到晚報，由新聞版到馬經版，統統不會錯過。如果當時am730已經面世，Ray估計佢都會日日睇。

羅局長好奇心強，佢話「跳Tango、瑜伽、打橋牌，報紙有甚麼都會看，當然包括馬經。」原來佢讀書時代已經「刨馬經」，更會與專業馬評人「較技」。佢同記者話：「每次賽馬前都會貼兩隻馬，當買$5、$10，年底結算，看馬評家贏得多，還是自己贏得多。不是永遠排第一，但都試過前列。」「這和打機升呢不同，我喜歡看資料、看數據，看分析，看人與人的關係。」

講番D政策嚴肅問題，佢話「熱廚房」沒想像般的熱，而佢特別關注在職貧窮和長者貧窮，指部分長者雖有資產，若不能將資產變為穩定收入，生活質素也未必改善；而低收入人士如果家庭人口多，負擔委實很重。而香港是否理想的終老地方？他直言相對福利制度完備的社會，香港未算好好，但那些地方抽稅較重。安老事務上，香港是比上不足比下有餘。至於小康出身嘅佢，亦承認未試過「捱窮」，這是經驗上的限制，不過佢補充，所謂體會，有時關乎你能否設身處地諗其他人。