由2016年E3首次展出後，《底特律：變人(Detroit: Become Human)》上周終於正式推出，由於呢隻game比較靜態亦走深度遊戲風格，所以未見好多討論區引起咩討論潮，亦有可能係因為遊戲嘅變化同劇情走向實在太多，為咗唔劇透，有玩嘅朋友都自動自覺識做唔多提，但好明顯就係口碑一致地好，全部外國game網都俾好高分添。開發商Quantic Dream以往作品《Heavy Rain》同《Beyond：Two Souls》其實全部都好有深度，今次隻game當然都堅持，土下座響度溫提，要爆機就好快，但要玩齊結局同睇晒劇情就唔簡單，而且呢隻game絕非一味追求鬥快爆機咁膚淺，絕對值得大家好好細味，執筆時更有傳中國已經因為遊戲劇情涉及政治同人民抗爭等原因而禁咗，總之一句：買得過！不過，唔係PS4 Pro機主就要小心，遊戲好考機能，已聽聞部分PS4機主連續玩十個鐘結果玩到彈碟，熱得滯喎！
