Ad Block Ad Block
生活
2019-07-12 05:15:00

香港最潮立飲酒場 日本酒任飲放題

分享:
WAKO SAKE BAR│銅鑼灣摩理臣山道23號南洋酒店2樓│3619 5358

WAKO SAKE BAR│銅鑼灣摩理臣山道23號南洋酒店2樓│3619 5358

立ち飲み(立飲),即係企喺度飲嘢,喺日本非常普遍,據說由江戶時代已經喺民間出現,不過二戰時期,曾經短暫消失一段日子(打仗嘛仲飲乜鬼,係都打完先飲啦)。所以,二戰結束之後,立飲又慢慢出現再迅速增長直到而家,由於不設座位,酒舖空間、設備&店員需求不多,所以價格較一般居酒屋便宜,成為日本最Hit品酒方法之一,仲喺每年11月11日制定為「站著飲食日」(立ち呑みの日),因為1111好似一班人企喺度飲嘢。
 

酒櫃過百款酒任揀,睇啱邊支就自己斟,很爽。

酒櫃過百款酒任揀,睇啱邊支就自己斟,很爽。

Wako Sake Bar亦有佐酒小吃提供,揀漬物最啱。

Wako Sake Bar亦有佐酒小吃提供,揀漬物最啱。

最近,南洋酒店嘅Wako Sake Bar,將日本立ち飲み(立飲)移植咗嚟香港,過百款日本酒放題任飲,完全顛覆日本酒喺香港玩法,坊間一般日式餐廳開支清酒動輒一千幾百,Wako Sake Bar分別以$98(半小時),$188(1小時),$368(兩小時)任飲,以自助式酒櫃睇啱邊款可隨意自己斟,別以為放題會俾CHEAP嘢你,駐場名譽唎酒師Randy,喺日本搜羅咗唔少高價日本酒、果酒、燒酎等,更會按季節不定期更新酒單,當日我都飲咗幾款純米大吟釀,對酒迷嚟講真係幾抵玩。

WAKO SAKE BAR│銅鑼灣摩理臣山道23號南洋酒店2樓│3619 5358

當晚遇到兩支四割五分純米大吟釀京姫匠&北秋田,同樣係山田錦,邊支好飲啲?自己去試啦,放題啊!

當晚遇到兩支四割五分純米大吟釀京姫匠&北秋田,同樣係山田錦,邊支好飲啲?自己去試啦,放題啊!

栃木縣片山酒造的初代久太郎生原酒,酒體結構十足,入口緊密層次豐富,幾啱男仔飲!

栃木縣片山酒造的初代久太郎生原酒,酒體結構十足,入口緊密層次豐富,幾啱男仔飲!

ANCO紅豆乳酪酒來自兵庫,入口好似食緊甜品一樣,港女大愛。

ANCO紅豆乳酪酒來自兵庫,入口好似食緊甜品一樣,港女大愛。

溫州完熟蜜柑酒,一個完熟蜜柑造一枝,保存一粒粒果肉,甘甜可口,加冰飲最消暑!

溫州完熟蜜柑酒,一個完熟蜜柑造一枝,保存一粒粒果肉,甘甜可口,加冰飲最消暑!

請接受以下私隱政策及免責聲明,以示你同意am730內之私隱政策及免責聲明。了解更多
接受