作為一個邊爐王子，一直都好想晏晝打個邊爐，約親朋友總會換來一句「晏晝打？黐線㗎你！」所以一直未能如願，直至しゃぶしゃぶ四季嘅出現，正好滿足我呢個願望。
走日式風格嘅しゃぶしゃぶ四季，主打一人前日式涮涮鍋&壽喜燒，食材有95%由日本直送，包括鹿兒島黑毛和牛呀北海道「四元豚」呀仲有第一次喺香港出現嘅博多地雞「華味鳥」，而一人前午間涮涮鍋定食有三款選擇(十二款湯底)，我個人強烈推介$168牛雞豚套餐，再配咖喱湯底，一次過試晒三款肉，記住白飯留到最後下鍋，加隻蛋來個雜炊作結。呢度價錢相當實惠，加上無敵靚景，約囡囡嚟食晏絕無難度。P.S.銅鑼灣V Point期間限定店將會去到3月3日，全新分店將會喺3月中登陸馬鞍山MOSTown新港城中心。
しゃぶしゃぶ四季│銅鑼灣登龍街18號V POINT 30樓│31883326
