提起From Software，唔使多講一定會諗起佢地嘅極高難度遊戲《Dark Souls》，呢隻神作多年嚟魅力不減，而繼承呢個招牌嘅新作《隻狼：暗影雙死》，亦終於正式推出，出稿時可能已經偷跑玩得！今次遊戲製作人宮崎英高多次在公開訪問講過，為咗滿足《Dark Souls》fans，難度方面只會加料而唔會偷工，由遊戲終於肯加返新手教學及「回生」復活系統(即係預咗大家會不斷死之餘，極大機會需要續關先搞得掂！)，似乎可以間接肯定到呢個說法。今次故事背景設定喺幻想嘅16世紀末戰國日本亦係一大賣點，畢竟《仁王》大成功都可證明日本戰國題材吸引。土下座都幾有信心呢隻遊戲會係本年最強黑馬，雖然未必會好好賣(畢竟真係唔會易玩)，但有機會係年度最佳之一，大家記得留意！