今星期土下座期待已久嘅中文版《NieR:Automata》終於正式推出！其實呢隻game早兩個月前喺日本推出時，走勢已經非常強勁，首周賣出19萬8千隻，同期嘅《超級機械人大戰V》PS4加PSV雙版本都只係18萬隻，連Steam銷量亦超過10萬，一個月唔使仲成為全球賣出過百萬嘅名作，足足係前作幾倍，唔止難得仲相當驚人。有咁嘅銷量當然同遊戲質素大有關係，遊戲嘅美術設定亦堪稱近年最強之一，當中女主角自動人形2B，已經成為咗cosplay界其中一個熱門角色，而香港PlayStation亦好有心，今次宣傳搵到個台灣model扮番2B，水準仲相當之高，唔少傳媒朋友都大讚！話題性贏晒，唔信？睇相啦！