摩佬不要用殘孖寶
2021-01-05

熱刺對上一次捧重要獎盃已喺08年英聯盃,係英超傳統Big Six近年最冇盃緣嘅球隊;今屆盃王摩連奴第二季任教,以往威力必強。兩大射手哈利卡尼,孫興民狂勇成史上最夾英超入球拍檔之一,趁嚟緊接連踢國內兩盃對手唔強,摩佬再唔輪換,俾兩大將唞返幾日,小心熱刺今季又冇盃落袋。

摩佬上任逾年,未搞好第3個得分點,拉美拿不成大器仲夠膽開派對、上屆嚟嘅貝雲積未得,今屆返嚟嘅加里夫巴利過氣、啱啱嚟嘅卡路士雲尼斯奧斯嘥氣。疫情下,熱刺更要還球場債,冇得唔貪心,乜盃都博。上圈英聯盃,摩老照用哈利卡尼踢足全場,孫興民半場入替,殺雞用牛刀;再睇返上場聯賽二人尾段疑似受傷,曾一同面露痛苦表情,當係預警。仲記得佢哋二人上季踏入新年,哈利仔拉傷鼠蹊,停戰4個幾月,老孫斷手唞個半月;二人同時缺陣,熱刺即歐聯同英足盃出局,聯賽3場連失8分。倫敦大會近期連環沉淪,阿仙奴後又有車仔,熱刺想避過呢劫,睇下摩老點樣「善待」哈孫二將。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多