自從光榮專心做《三國無雙》之後，三國類嘅策略遊戲真係少之又少，再加上近幾年大陸手遊都非常鍾意用「三國」題材做遊戲，貪其受眾多又係免費IP，亦搞到「三國」氾濫，似乎唔會再令大家有所期待。不過呢，講就咁講，假如細細個就接觸三國，一世都好難戒得甩，就如本文刊登，今日就會推出嘅《全軍破敵：三國(Total War: Three Kingdoms)》，就成為咗唔少遊戲媒體同YouTuber嘅吹捧作品。事實係Game都未出，但題材同此系列一向有名氣，都足夠令人信心十足，同時成為系列20周年嘅紀念作，首次跳出歐洲及日本，用三國歷史背景，率先玩過嘅IGN直情俾咗9.3分超高分，可以話再令fans期待值提高。如果呢排冇嘢有興趣，絕對可以留意下呢隻game！